لما تشتري عباية، الخامة هي اللي بتحدد شكلها وراحتها وقد إيه هتعيش معاكي. في المقال ده هنشرح الفرق بين أشهر الخامات بطريقة عملية من غير كلام معقد.
الكريب السعودي
الأفخم والأكثر طلباً. ثقيل شوية بطريقة لطيفة، فبيدي إسدال جميل ومابيطيرش مع الهوا، ومابيبقاش شفاف. ممتاز للمناسبات والخروج الرسمي، وبيفضل شكله جديد لمدة أطول مع الغسيل المتكرر.
الكريب التركي
أخف في الوزن وفيه مرونة أكتر، فمريح جداً في الجو الحر. مناسب للاستخدام اليومي والشغل، وبياخد الكسر والفرنس بشكل حلو جداً.
الرويال
خامة متوسطة الوزن ومتينة، وأسعارها أقتصادية أكتر. بتدي شكل أنيق ومابتتكرمش بسرعة، وده اللي بيخليها مفضلة في الأطقم والخمار.
فأنا أختار إيه؟
- للمناسبات والعزومات: كريب سعودي
- للشغل واليومي في الصيف: كريب تركي
- للاستخدام المتكرر وسعر أقتصادي: رويال
- للعمرة والحج: رويال مع قطن — خفيف وممتص للعرق
إزاي تحافظي على العباية؟
اغسليها بماية باردة أو فاترة، واقلبيها على الوش الداخلي قبل الغسيل، ونشفيها في الظل مش في الشمس المباشرة. لو هتكوي، خلي المكواة على درجة متوسطة ومن الداخل.
📱 اسألينا عن الخامات عبر واتساب
🚚 توصيل مجاني لكل مصر • 💵 الدفع عند الاستلام